မြေပုံပညာ

မြေပုံပညာ

= = = = = = =

ကမ္ဘာမြေကြီးသည်လုံး၏။ ကမ္ဘာမြေကြီး၏ မျက်နှာပြင်ကို ကမ္ဘာလုံးတစ်ခုပေါ်၌ ပြရန်လွယ်ကူသော်လည်း မျက်နှာပြန့်သောမြေပုံပေါ်၌ တင်ပြရန်ကားခဲယဉ်း၏။ ဘောလုံးတစ်လုံးကို စက္ကူတစ်ချပ်ဖြင့် ဖုံးအုပ်သောအခါ စက္ကူကို ပုံအမျိုးမျိုး ညှပ်ပြီးမှ ဖုံးအုပ်နိုင်သည်။ သို့ရာတွင် ကတော့ ပုံသဏ္ဌာန်ရှိသော အရာတစ်ခု၏ မျက်နှာပြင်ကိုမူ စက္ကူများဖြင့် တစ်ဆက်တည်း ဖုံးအုပ်လျှင် ဖြစ်နိုင်သည်။ သို့ဖြစ်၍ စက္ကူချပ်ကို ကတော့ပုံ ပြုလုပ်ပြီးလျှင် လုံးသော ကမ္ဘာမြေကြီးကို စက္ကူပြန့်ပေါ်၌ ပြနိုင်သည်။ စက္ကူချပ်ကို ကတော့ပုံ ပြုလုပ်၍ ဘောလုံးကို တစ်နေရာ၌ ပတ်ကာ ငုံ၍ ဆောင်းအုပ်ပြီးနောက် ထိုစက္ကူချပ်ကို ကြမ်းပေါ်၌ အပြားလိုက် ဖြန့်ချနိုင်သည်။ ကမ္ဘာမြေပုံကို ရေးဆွဲရာတွင် ကမ္ဘာလုံးကို ဟိုဖက် သည်ဖက်မှ ကတော့နှစ်ခုဖြင့် စွပ်၍ အီကွေတာရှိရာ အလယ်ဗဟို၌ ကတော့အဝနှစ်ခုကို ကပ်ထားရသည်။ ဖော်ပြပါ ပုံ(၂)ပုံကို ကြည့်လျှင် ကတော့ပုံဖြင့်  မြေပုံလုပ်နည်းကို ကောင်းစွာ နားလည်ပေလိမ့်မည်။ ပထမပုံ၌ ကတော့သည် ကမ္ဘာလုံးကို မြောက်လတ္တီတွဒ် (၄ဝ)ဒီဂရီ၌ ထိကပ်လျက်ရှိ၏။ လောင်ဂျီတွဒ်မျဉ်းများကို ကတော့ထိပ်မှ အောက်ခြေသို့ ဆွဲထားသည်။ လတ္တီတွဒ်မျဉ်းများကို ကတော့ထိပ်ကို ဗဟိုထား၍ ဆွဲထားသော စက်ဝိုင်းများအဖြစ်ဖြင့် ပြထားသည်။

ကတော့စက္ကူကို ဖြန့်လိုက်သောအခါ ဒုတိယပုံ၌ ပြထားသည့်အတိုင်း မြေပုံကိုရရှိ၏။ ထိုမြေပုံ၌ မီရီဒီယန်ခေါ် လောင်ဂျီတွဒ်မျဉ်းများနှင့် (၄ဝ)ဒီဂရီ မျဉ်းပြိုင်တစ်လျှောက်၌ စကေးအမှန်ကို ရရှိသော်လည်း ထိုမျဉ်းပြိုင်၏ မြောက်ဖက်နှင့် တောင်တို့တွင် ကားလတ္တီတွဒ်နှင့် လောင်ဂျီတွဒ်တို့ စကေးမမှန်တော့ချေ။ ထိုကြောင့် ဤမြေပုံလုပ်နည်းသည် သင်္ဘောလွှင့်သွားရာ၌ အသုံးမဝင်ချေ။ အခြားနည်းတစ်နည်းမှာ အပြားလိုက် တိုက်ရိုက်ရယူနိုင်သည့် မာကေးတားဆိုသူ တီထွင်ခဲ့သော စက္ကူလိပ်နည်းဖြစ်၏။ ထိုနည်းမှာ ကမ္ဘာလုံးကို (ဆလင်ဒါ) လုံးရှည်တွင်းသို့ ထည့်သွင်း၍ မြေပုံပြုလုပ်ခြင်းဖြစ်၏။ လုံးရှည်၏အမြင့်နှင့် ကမ္ဘာလုံး၏ အမြင့်တူညီနေလျှင် တောင်နှင့်မြောက် အကွာအဝေး မှားနေမည်ဖြစ်၏။ သို့ဖြစ်၍ အောက်ပါအတိုင်းပြင်ဆင်ရေးဆွဲရသည်။

ကမ္ဘာလုံး၏ အလယ်ချက်မမှ လတ္တီတွဒ်အကွာအဝေး ညီမျှသော မျဉ်းများကို စက္ကူလုံးရှည်၏ မျက်နှာပြင် ရောက်အောင်ရေးဆွဲရသည်။ ထိုအခါလတ္တီတွဒ်(၆ဝ)နှင့် (၇၅)ဒီဂရီတို့အကြားရှိ အကွာအဝေးသည် အီကွေတာနှင့် (၁၅) ဒီဂရီတို့အကြားရှိ အကွာအဝေးထက်များစွာ ကြီးမားလာ၍ မီရီဒီယန်လမ်းကြောင်းနှင့် မျဉ်းပြိုင်တို့မှာ မည်သည့်နေရာ၌မဆို ထောင့်မှန်ကျနေလေသည်။ စာမျက်နှာ(၃၉၉)ရှိ ယာပုံတွင် မာကေးတားမြေပုံထုတ်နည်းကို ပြထား၍ စာမျက်နှာ (၄ဝဝ)အပေါ်ပုံ၌ ကားစက္ကူပြန့်ပေါ်၌ မာကေးတား မြေပုံကိုပြထားသည်။ ဤ အထက်ပါနည်း နှစ်နည်းသည် မြေပုံပြုလုပ်ရာတွင် လူသိအများဆုံးနှင့် အလွယ်ကူဆုံးနည်းများဖြစ်ပေသည်။

ကမ္ဘာပေါ်၌ ရှေးအကျဆုံး မြေပုံများမှာ ဗက်ဗီလုံလူမျိုးတို့၏ မြေပုံဖြစ်၏။ လွန်ခဲ့သော နှစ်ပေါင်း (၄ဝဝဝ)ကျော်က ဗက်ဗီလုံတို့ ပြုလုပ်သော ရွှံ့စေးချပ် မြေပုံများကို ယခုအခါ လန်ဒန်မြို့ရှိ ဗြိတိသျှပြတိုက်ကြီး၌ သိမ်းဆည်းထားသည်။ ခရစ်(၁၅ဝ) ပြည့်နှစ် လောက်က ထင်ရှားခဲ့သော တော်လမီခေါ် အီဂျစ်ပထဝီဝင် ဆရာကြီး၏ မြေပုံများသည်လည်း သူ့ခေတ်နှင့် စာသော် အထူးကောင်းမွန်သည်ဟု ဆိုရပေမည်။ ကမ္ဘာ့မြေမျက်နှာပြင်ကို ပြသောမြေပုံများမှာ မျက်နှာပြင်ပြမြေပုံ ၊မြေပြင်လက္ခဏာပြမြေပုံနှင့် ကွန်တိုခေါ်အနိမ့်အမြင့်ပြ မြေပုံဟူ၍ အမျိုးမျိုးရှိသည်။ ကွန်တိုမြေပုံများမှာ အနိမ့်အမြင့်အတိုင်းအတာတို့ကို မျဉ်းကြောင်းအမှတ်အသားဖြင့် ပြ၍ မည်သည့် မျဉ်းကြောင်းနေရာ၌ မည်မျှမြင့်သည်ကို မြေပုံကြည့်ကာ မျှဖြင့် အလွယ်တကူသိနိုင်သည်။

ယခုခေတ်၌ လူများသည် ကမ္ဘာပေါ်ရှိနေရာ အသီးအသီးသို့ ခြေရာချင်း ထပ်မျှရောက်ခဲ့ကြပြီး ဖြစ်၍ ရေးဆွဲသော မြေပုံတို့မှာလည်း အလွန်ကောင်းမွန် သေသတ်ပြီးလျှင် အသေးစိတ်အားဖြင့်လည်း မှန်ကန်သည်ထက် မှန်ကန်လာခဲ့လေသည်။ မြေပုံပေါင်းချုပ်များ၌ ကမ္ဘာပေါ်ရှိရာသီဥတု၊ ကောက်ပဲသီးနှံ၊ ပကတိအပင်မျိုး၊ အယူဝါဒ၊ ဘာသာစကား၊ လမ်းပန်းအဆက်အသွယ်နှင့် အလုပ်အကိုင်များ၊ လူဦးရေးစသည်တို့ကို မြေပုံပေါ်တွင်ဖော်ပြထားသည်။ တိုင်းပြည်အသီးအသီး၏ မြေမျက်နှာသွင်ပြင်နှင့် မြို့ရွာ၊မီးရထားလမ်းများကို ပြထားသောမြေပုံများလည်းရှိသည်။ ယခုအခါ၌မူ လူတို့သည် လေယာဉ်ပျံများပေါ်မှ ဓာတ်ပုံရိုက်၍ မြေပုံများကို ပြုလုပ်လျက်ရှိကြလေပြီ။